कम्बोडिया, २४ जेठ २०७५ । कम्बोडियाका राजा नोरोडोम सिहामोन र प्रधानमन्त्री समदेच टेचो हुसेनले अगामी जुलाईमा हुन गइरहेको राष्ट्रिय निर्वाचनमा मतदान गर्नका लागि सर्वसाधारणलाई आह्वान गर्नुभएको छ ।
यो पाँच वर्षमा एक पटक आफ्नो नेता छान्ने अवसर भएको उहाँहरुले बताउनुभएको छ । दक्षिणपश्चिमी एशियाली राष्ट्र कम्बोडियाको संसदमा प्रतिनिधित्व गर्ने १२५ सिटका लागि आगामी २९ जुलाइमा आमनिर्वाचन हुन लागेको हो ।
निर्वाचनमा स्वतन्त्रपूर्वक र विना डर बहुदलीय प्रजातान्त्रिक प्रणालीअन्तर्गत मतदान गर्न सकिने व्यवस्था मिलाइएको उहाँहरुको भनाई छ ।
त्यसकारण मतदाताले कुनैपनि राजनीतिक दलको दबाब र डर त्रासको सामना गर्नु नपर्ने पनि उहाँहरुले बताउनुभएको छ । मतदाताले आफ्नो स्वविवेक प्रयोग गरी आफ्ना सांसद छान्न पाउने उहाँहरुले बताउनुभएको छ ।
उता प्रधानमन्त्री समदेच टचो हुसेनले भने दक्षिणपूर्वी कम्बोडियाली प्रान्त कामयोङमा करिब २२ हजार मजदुरलाई सम्बोधन गर्दै शासनसत्तामा रहेको ‘कम्बोडियन पिपुल्स पार्टी’ लाई मतदान गर्न आग्रह गर्नुभएको थियो ।
