बैतडी, १० फागुन २०७४ । बालिकालाई सामूहिक बलात्कार गरी हत्या गरेको कसुरमा बैतडीमा एक युवकलाइ २८ बर्ष कैद र एक युवकलाइ आजिवन कारावासको सजाय वैतडी अदालतले फैसला गरेकोछ ।
बैतडीको मेलौली नगरपालिकाकी १६ वर्षिया एक बालिकालाई सामूहिक बलात्कार गरी हत्या गरेको कसुरमा जिल्ला अदालत बैतडीले भरतराम लुहारलाई २८ वर्षको कैद र २७ वर्षीय मनोजराम दयाललाई जन्मकैदको न्यायाधीश बिष्णुप्रसाद गौतमको इजलासले सजाय सुनाएको छ,
गत साउन ३ गते दुबैजनाले बालिकालाई सामूहिक बलात्कार गरि हत्या गरेको भन्दै पीडितका अभिभावकले साउन ९ गते इलाका प्रहरी कार्यालय पाटन बैतडीमा उजुरी दिएका थिए । उजुरी दिएकै दिन प्रहरीले आरोपीलाई गिरफ्तार गरेको थियो ।
