कञ्चनपुर, २ मङ्सिर २०७३ । बेलौरी नगरपालिका–२ का वन्धुराम चौधरीले वार्षिक ५० क्विन्टल माछा बिक्री गर्दै आएकाछन ।
दुई दशकदेखि माछापालन व्यवसायमा संलग्न चौधरीले सुरुमा रु १ लाख लगानी गरी २ वटा पोखरीमा माछापालन गर्न थालेकाहुन । हाल उनले रु ३६ लाख लगानी गरेर ७ बिगाहा जग्गामा ७ वटा पोखरी निर्माण गरेर माछा पालन व्यवसाय गर्दै आएकाछन । उनले व्यवसाय विस्तार गरेसँगै उनको आम्दानीपनि बढेको छ ।
“माछापालनमा वार्षिक रु २० लाख खर्च लाग्छ, खर्च कटाएर रु १० लाख फाइदा हुने गरेको चौधरी वताउछन । उनको पोखरीमा सिल्भर, विगेट, कमन, रोहु, नैनी, भ्याकुर, ग्रासलगायत ७ प्रजातिका माछा छन ।
चौधरीले उत्पादन गरको माछा कञ्चनपुर र कैलालीसँगै भारतीय सीमावर्ती क्षेत्रका व्यवसायीले पोखरीबाटै खरिद गरेर लैजाने गरेका छन् ।
पोखरी रेखदेख गरेबापत स्थानीय ४ जनाले रोजगारी पाएका छन् । चौधरी यस वर्षको छापालनमा राष्ट्रपति कृषि पुरस्कारबाट समेत भएकाछन ।
