काठमाडौँ, २४ असोज २०७३ । नेपाली सेनाद्वारा दसैँका बेला यात्रुको सुविधालाई ध्यानमा राखी काठमाडौँ उपत्यकामा आजदेखि निःशुल्क बस सेवा सञ्चालन गरेको छ ।
एकादशीका दिनसम्म जारी रहने सो सेवा अन्तर्गत विभिन्न मार्गका लागि ८ वटा गाडी सञ्चालन गरिएको छ । सो गाडीले नवमी र दसैँका दिन मध्याह्न १२ र साँझ ४ बजे २ ट्रिप तथा एकादशीका दिन बिहान ६ बजे सेवा थप गरी ३ ट्रिप यात्रु ओसार्ने छ ।
वसको रुट यसप्रकारछ ः
(१) माइतीघर-नयाँ बानेश्वर-कोटेश्वर-एकान्तकुना-बल्खु-कीर्तिपुर-कालीमाटी-त्रिपुरेश्वर हुँदै रत्नपार्क
(२) भद्रकाली-जमल-नारायणगोपालचोक-बुढानीलकण्ठ-बालाजु-सोह्रखुट्टे-कान्तिपथ हुँदै माइतीघर
(३) माइतीघर-कलङ्की-थानकोट-स्वयम्भू-छाउनी-ताहाचल-टेकु हुँदै थापाथली
(४) माइतीघर-तीनकुने-गौशाला-जोरपाटी-नारायणगोपालचोक-लाजिम्पाट हुँदै कान्तिपथ
(५) थापाथली-कुपन्डोल-पुल्चोक-जावलाखेल-सातदोबाटो-कोटेश्वर-चापागाउँ-तीनकुने-बानेश्वर हुँदै सहिदढोका
(६) थापाथली-कुपन्डोल-पुल्चोक-जावलाखेल-एकान्तकुना-बल्खु-कलङ्की-कालीमाटी-त्रिपुरेश्वर-सहिदढोका हुँदै रत्नपार्क
(७) माइतीघर-कोटेश्वर-सूर्यविनायक हुँदै सोही मार्ग भई माइतीघर
(८) सहिदढोका-कालीमाटी-छाउनी-स्वयम्भू-गङ्गबु-सामाखुसी हुँदै रत्नपार्क रहेको छ ।
सेनाका प्रवक्ता ताराबहादुर कार्कीले दसैँका समयमा यात्रुलाई सेवासुविधा पुर्याउनका लागि एउटा गाडी ३० देखि ४० यात्रु क्षमताको निःशुल्क बससेवा सञ्चालन गरिएको जानकारी दिनुभयो ।
