सिएरा लियोन, ५ भदौ २०७४। सिएरा लियोनमा अगस्त १४ गते परेको व्यापक बर्षापछि गएको पहिरो र बाढीका कारण मृत्यु हुनेको सङ्ख्या ४९९ पुगेको स्थानीय सञ्चारमाध्यमले आइतबार जनाएको छ ।
पहिरो र बाढीका कारण अझै ६ सय ५० जना वेपत्ता भइरहेका बताइएको छ ।
मृतकमध्ये १ सय ६३ पुरुष, १ सय ६२ जना महिला, ७० जना बालक र ८६ जना बालिका तथा १८ जना अन्य रहेको आवाको पत्रिकाले जनाएको छ ।
बाढी र पहिरोका कारण २ हजार नागरिक घरवार विहीन बनेका छन् । सिएरा लियोनका राष्ट्रपति अर्नेस्ट बाइ कोरोमाले बिहीबार मुलुकभर ७ दिन शोकको घोषणा गर्नुभएको छ ।
चीन तथा घाना तथा अन्य देशबाट मानवीय सहयोगका विभिन्न समूह घटनास्थल पुगेका छन् ।
