नेदरल्यान्ड, २४ चैत २०७३। नेदरल्यान्डमा बसोबास गर्ने टर्कीका नागरिकले आफ्ना राष्ट्रपति रेसेप तैयप एर्डोगानलाई थप शक्तिशाली बनाउने वा उनको अधिकारलाई यसैमा सीमित राख्ने भन्ने विषयमा बुधबार जनमत सङ्ग्रहका लागि नेदरल्यान्डको आर्मस्टर्डम, द हेग र पूर्वी सहर डेभेन्टरमा मतदान केन्द्र खोलिएको थियो । यहाँ बसोबास गर्ने करिब २ लाख ५० हजार टर्कीका मतदाताले जनमत सङ्ग्रहमा विदेशबाटै आफ्नो मत दिएकोछ ।
जनमत सङ्ग्रहमा नेदरल्यान्ड गएर अभियान सञ्चालन गर्न डच सरकारले गत महिना टर्कीका मन्त्रीहरुलाई नदिए पछि २ देशबीच तनाव सिर्जना भएको थियो ।
गत मार्च ११ मा सरकारी मन्त्री प्रचार अभियानका लागि टर्कीस कन्सुलेटमा जान रोक लगाएको भन्दै सामान्य झडपका गतिविधिसमेत भएका थिए ।
विभिन्न युरोपेली मुलुकका बसोबास गर्ने टर्कीका नागरिकले अप्रिल ९ सम्म जनमत सङ्ग्रहमा मतदान गर्न पाउने छन् तर टर्कीमा यसपछि पनि एक हप्तासम्म मतदान गर्न सकिने व्यवस्था गरेको छ ।
