भारतिय काँग्रेस (काँग्रेस आई) को अध्यक्षका लागि राहुल गान्धीको उम्मेदवारी

भारत,१९ मङसिर २०७४ । भारतको प्रमुख विपक्षी दल भारतीय राष्ट्रिय काँग्रेस पार्टीको अध्यक्ष पदमा राहुल गान्धीले उम्मेदवारी दर्ता गराउनुभएको छ ।

राहुलकी आमा सोनिया गान्धी भारतीय काँग्रेसकी वर्तमान अध्यक्ष हुनुहुन्छ । उहाँले स्वास्थ्य लगायतका कारणले पार्टी अध्यक्ष पदमा निरन्तरता दिनसक्ने अवस्था नरहेको बताइएको छ ।

त्यसैले आगामी सन् २०१९ मा हुन लागेको पार्टीको महाधिवेशनका लागि पार्टीको अध्यक्षमा उम्मेदवारी दर्ता गराउने अन्तिम दिन सोमबारसम्म रहेको छ ।

राहुल गान्धी हाल पार्टीको उपाध्यक्ष रहनुभएको छ । उहाँ गत पाँच वर्षयता उपाध्यक्ष पदमा हुनुहुन्छ । यस पदमा केही वर्षयता कसैले पनि उम्मेदवारी दिएको थिएन ।

सन् १९९८ बाट पार्टीको अध्यक्ष पद सम्हाल्दै आउनु भएकी सोनिया गान्धीले आफ्नो छोरालाई सो पदको बागडोर दिन लाग्नुभएको बताइन्छ ।

अहिलेको अवस्थामा भारतीय काँग्रेसका लागि यो एक राम्रो कुरा भएको र राहुल गान्धीले अगामी दिनमा अन्यन्त राम्रोसँग कार्यसम्पादन गर्ने उत्तरी भारतीय राज्य पञ्जावका मुख्यमन्त्री अमारीन्दर सिंहले बताउनुभएको छ ।

Be the first to comment

Leave a Reply

Your email address will not be published.


*